حًـٍِتـًـِى الِـخًـبِـًلٍ لا شًاِفٍنَيً قَـٍاَلِ عًزَاْهِـٍ

الســلآآم عليكــــم ورحمة الله وبركاته

{ . . . .

طحت من عيني ( انا قلت لو طحت ) :
تنزل بقلبي والخساره لعيني
وان رحت مني ( انا قلت ان رحت ) :
ماهي خساره لو بكت لك عيوني
وان ضعت في بعدك ( انا اقول لو ضعت ) :
هي ضايعه من دون وصلك سنيني

. . . . . . . .

ليتك تحس بلهفة الشوق فيني
وتشوف نبضات الولع كيف تهواكـ
ما تدري انك ساكن وسط عيني
وسنين عمري اليوم كلها تفداكـ
والحين حال البعد بينك وبيني
وانا حلفت بربي اليوم منسااكـ

. . . . . . . .

ضمني ما بين رمشك والعيون
خلني انسى زماني والمكان
ضمني بإحساس تكفى يا حنون
واروني من فيض حبك والحنان
في غيابك لف دنياي السكون
لا ملامح لا فرح في هالزمان
لا تروح ولا تغيب ابقى وكون
غرام ما استوى قبله وكان

. . . . . . .

قالوا علامك باكي قلت مطعون
شوفوا نزف الدم مني تلآلآ
قالوا من اللي صوبك قلت مزيون
قالوا عدوك قلت يا ناس ( لا لا )
قلبي لــــ قلبه لو تنحيت مرهون
غيره حرام ونور عيني حلالا

. . . . . . . .

جاني شعور انك تبيني وجيتك
احس بإحساسك وانا في مكاني
بعيد لكن في خفوقي لقيتك
متربع ما بين ذيك المحاني
يا قرة عيون الغلا ما نسيتك
طيفك يناجيني وشوفك دعاني
ان ضاقت الدنيا بعيني
طريتك واليا طريتك ابتسم لي زماني

. . . . . . . .

تبي تقرا كتاب من حياتي ؟؟؟
وتكشف سر ما عمرك قريته ؟؟

بقلبي ما معك بالحب ثاني
اصل حبك بنى بالقلب بيته
لقيتك نور في معتم زماني
وغيرك نوره الصافي وطيته
غرامك يا هوى بالي خذاني
وحب غير حبي لك نسيته

. . . . . . . .

عجزت لاصبر ما تعودت فرقاك
في غيبتك ماني على الصبر قاوي
وين انت ؟ عني وش حياتي بلياك
عقبك حياتي والممات متساوي
زولك معي دايم وطيفك وذكراك
والقلب ماله غير قربك مداوي ....

. . . . . . . .

مني لاعز الناس حلو التراحيب
مضمونها تقدير من قلب صافي
سلام يا راعي الوفاء والمواجيب
سلام ياللي مع الناس وافي
لك منزل بين الضلوع المحاديب
عساك دايم بالوجود متعافي

. . . . . . . .

كيف الفرح لامن بدأ يظهر علي غيمة حزن
وكيف الامل والتشاؤم تتفق؟
وكيف القمر والشمس في وقت واحد تجتمع ؟
كيف انت ؟
وكيف انا ؟
وكيف الطريق يضمنا ؟
بس المهم اني اقول :
حبك امل حبك فرح حبك وسام اتقلده
وهذا الاهم ....

. . . . . . . .

محد يشق القلب من غير تفكير
حتى الطبيب يرتجف ثم يحتار
وانت شقيت الجوف من غير تخدير
وبنيت قصور بداخل القلب وانهار
وجهة نظر كتبتها بصدق تعبير
وارسلتها للي له بداخل القلب
مـــــــــقـــــــــدار

. . . . . . . .

وصلت حدي بالغلا كيف باغليك
كل الكلام مقصر ما يطولك
من كثر ما احبك اعاندك وابديك
واحب من حبك ومن كان حولك
واخذ غلا من حبني حيل واعطيك
حتى اكون ( بحجم حبك ) وقولك

. . . . . . . .

المشكله ما ينتهي حب غاليك
في ذمتي لو ينتهي كل غالي
قلب يحبك كيف يقدر يجافيك
وشلون يقدر يا بعد كل غالي
امشي وقلبي بين همك وطاريك
وطيفك تباريني وكنه ظلالي
يا علّ قلب(ن) ما يحبك ويغليك
يصلاه من بين الشرايين صالي

. . . . . . . .

سلاااااااااااام
احلى من عبير النواوير
للي غلاهم داخل الدم جاري
من راس منهو ما يحسب المخاسير
يبيع عمره لا غدا الكل شاري
للرفيق اللي عشرته يا عرب غير
غايب وهو دايم على البال طاري

. . . . . . . .

انا والليل والعبره وجرح وخاطر مكسور
ونفس من هجير البعد والحرمان مقهوره
وقلب ظامي لشوفك ولا يروي ظماه بحور
وعين تحتري لحظة غياب الطيف وحضوره
ونار تنطفي مره ومره تشتعل وتثور
واقول النار مقدوره وهي ما هيب مقدوره

. . . . . . . .