احلى دلع عضو مشارك
عدد الرسائل : 206 ابتسامتك : تاريخ التسجيل : 29/01/2008
| موضوع: { مـــاذا دهـــاك ؟ ~ الخميس مايو 08, 2008 4:48 pm | |
| ღ
. . .
{ مـــاذا دهـــاك ؟ ~
يامن دهتنـي عيونـه واحتوتنـي يديـه .. الله يسامحْك كيـف تقـول مـاذا دهـاك ؟
.
ماتدري إنـي متيّـم بـك وكلـي لديـك .. مملوك مأسـور مسبـي مستهـام بهـواك
.
أموت كلي معك وأموت فيـك وعليـك .. وأغليك لكـن عسـى الله مايبيّـن غـلاك
.
واحنّ إليك وعليك اَحَـنّ مـن والديـك .. ومن لهفتـي عيـن قدّامـك وعيـنٍ وراك
.
وأشتاق لك وأشكيك منك وأشكيك إليـك .. كلك ملكني وكلك فـي عيونـي مـلاك
.
جادلك جيدك جبينـك خنجـرك حاجبيـك .. اسمك سماتك سمّـوك سِسْتِمِـك مستـواك
.
جوريك جمرك لجينك عسجـدك وجنتيـك .. ذرابتِك رقّتِك روعـة حضـورك بهـاك
.
وجهك وهج مبسمِـك بسمتْـك غمّازتيـك .. براءتك خالك اللي لاذ بأيسـر شفـاك
.
سِجِنْجِلِـك جل نـارك نرجسِـك كركديـك .. كاديك مسكك نسيمك شمس صبحك مساك
.
سلهام عينك نَعس طرفك حَور مقلتيك .. بوهَتْك ملحك حلاتك خـف دمـك حيـاك
.
ما اعرف أعوِّد ولا أهدّي ولا أمسك بريك .. لاجيت أجي كلي وكلي عسانـي فـداك
.
أقدّم الروح كاش وباقـي العمـر شيـك .. باسمك مصدَّق ولا يصرف لحـيٍ سـواك
.
يامن دهتنـي عيونـك واحتوتنـي يديـك .. الله يسامِحْـك كانـك قلـت مـاذا دهـاك ؟
~ الشـآعـــر / خليـل الشبـرمـي ! }
. . .
ღ
| |
|