فزاع مشرف قسم السيارات والصور
عدد الرسائل : 991 دولتي : المزاج : اختر وسام : تاريخ التسجيل : 12/11/2007
| موضوع: قصة حب حقيقيه , صارت بالدوحه الإثنين نوفمبر 12, 2007 5:52 am | |
| السلام عليكم أخواني وخواتي
اليوم جبت لكم قصه حقيقيه صارت بالدوحه , وهالقصه حلوه بس حق الناس اللي يحبون فقط , لأن هم اللي راح يحسون بهالقصه الحزينه المؤلمه , والقصه يمكنها بتكون طويله , بس ترا كل شي صج فيها , و بيكون عبره للجميع.
القصه...
كانت هناك بنت اسمها (( حــنان )) , عمرها 18 سنه , تحب الأنترنت , دايما عالنت , تسولف وكل حياتها شات , و هي انسانه خجوله , في يوم من الأيام طب عليها واحد في الاسكايبي , يبي يستعبط معاها و هو اسمه (( سعيد )) , وعمره 17 سنه , طب عليها هو مع رفيجه , فلما سووا مكالمه صوتيه , انجن (( سعيد )) بصوت (( حنان)) طلع صوتها واااااايد حلو , وحاول ان مايستعبط وياها وما خللى رفيجه يستعبط وياها.
بعد يوم , قام (( سعيد )) كلمها , و حاول ان يصادقها , مع ان (( حنان)) انسانه بيتويه , كلمها بكلام طيب وحب , و مدح نفسه وايد , يعني قص عليها , وعطته رقم جوالها , فيكلمها وسووا مكالمة فيديو بعد اسبوع من الصداقه , فكل واحد حب الثاني , كل يوم يكلمون ثلاث ساعات في الليل و كان سعيد يطرش لها رسايل حب , صار يحبها وايد , هي ايضا حبته , (( حنان )) حبت قبل سعيد شخصين و فشل حبها , فكلما كلمت سعيد , كانت تدمع , و تصيح , حبته بدرجه عاليه , وهو بعد حباها , لكن حنان كانت غير واثقه من نفسها , على بالها انها شينه , وتقول حق سعيد , أخاف انا مااعجبك , و حتى مكالمة الفيديو ماكانت واضحه , فقال : لو طلعتي مشوهه , بعد احبج , واموت فيج , وبييج واخطبج.
بعد شهر من هالحب , مرض سعيد , جاته سخونه , فحزنت حنان وااايد , حتى ان قلبها يعورها , مع ذلك صار يكلمها , في يوم من الأيام اتصل واحد على حنان بالغلط , واعجب بصوتها , وحاول يتعرف عليها , لكنها ما سكتت , راحت وعلمت سعيد و عطته رقم الريال , فهاوشه سعيد , وزاد حبه وثقته بها , و هو كان يتدمع من اجلها , و يقول لها انتي كل شي بدنيتي.
بعد فتره من الحب , قام واحد يتصل على حنان , بااسم محمد , و حاول يتعرف عليها ايضا , فهي قالت لـــ سعيد , و قال سعيد انا رحت عنده وبغيت اهاوشه , لكنه طلع يقرب لي , فااتصل محمد , وقال لها انا مثل اخوج , لا تفهميني غلط....
في يوم من الأيام , طلب سعيد ان يشوف حنان , كانت حنان رايحه الدوام , فقال لها بااشوفج عالشارع من بعيد بس , فمن شدة الحب له , وافقت , مع ان سعيد قال لها بيكون ويااانا محمد.
قبل ما يتقابلون , قالت حنان : يا سعيد اذا انا عجبتك , ابيك تحط نظارتك و تمسحها و افهم..... فيوم تقابلوا , شافوا بعض ففسخ سعيد نظارته ومسحها..
فارتاحت حنان , واتصلت به و تقول صج اللي سويته , قالت , أرجوك , فقال لها : ايوا انا احبج..
في نفس اليوم في الظهر , اتصلت على حنان إمرأه ساقطه , مفضوحه و وتقول انا ابي اتعرف عليج , فقالت حنان : أنا مب مثلج و ماابي اتعرف عليج , فقالت الساقطه و اسمها فايزه : ليش ماتبين , ترا انتي مثلي راعية الشوارع و شبكت ثلاث نسوان ساقطات عالتلفون عشان يعلوزونها.
الســـــــــالفه شنهي ؟
ان هالساقطه دازها سعيد عشان تلعوز حنان , وعقبه داز محمد يتعرف عليها و هو اصلا دازه من قبل , و داز واحد عشان يلعوزها في انصاف الليالي , و بعد يوم , داز واحد ثاني اسمه (( خالد )) , عشان يلعوزها , هاي كله عشـــــــــــــــانها مو حلوه!!!!!!!!!!!!
كل يوم يكلمها وما يحبها ويسمع صوتها لربعه , حتى انه حب وحده ثانيه اسمها (( عبير )) , وماعلمها.
في يوم من الأيام , قال لها طرشي لي رصيد 30 ريال , فحنان ماتقدر , لأن ابوها , مراقبها وااايد , وترا هي كانت تكلم سعيد في انصاف الليالي يوم يكون راقد.... فهي قالت مااقدر , فقام يقول لها يا البخيله , يا الفقيره , شنو هالحب؟ حت اتصال ماتتصلين , كله رنا , العن ام الرنه.
و هي كانت تتحمل , ففي يوم من الأيام , خلى واحد من ربعه يسبها , ويسب شكلها , و هو قاعد يصارخ من بعيد , يقول هي ماتسوى , وخلوها تتكلم مع حب سعيد الجديد اللي اسمها عبير , و تحرها عبير , فصارت حنان , لعبه بين الشباب , فسكروا الخط , فحاولت تتصل , قاموا يعطونها رنات , وتتصل عليهم , ويردون عليها و يطلعون اصوات لين يخلص رصيدها , كل هاااي بس عشان هي مب حلوووه.
هي عرفت السالفه و حزنت وااايد , لأن حبيبها تركها , و لأن شكلها مب حلو , تخيلوا مكانها
أبيكم تقولون لي يا أعضاء دوحه تيم , شنو ذنبها و شنو ذنب قلبها , على اللي صار , يعني اذا شكلها مب حلو , هي شنو ذنبها , مع ان سعيد يبيها تلبس قصير ولباس وصخ , ويقول جذيه بتتطلع حلوه , بالمكياج واللباس الوسخ الغير محترم.
هو كان يحبها , بس يوم شاف شكل المسكينه , كرهها
حاول ان يتصل فيها , يقول انه مشتاق لها , بس قال لها (( انجلعي )) بطريقه تلوع الجبد , يوم صادته انه لعاب.
حال حنان الآن
شاب شافها وحاول يتعرف عليها , معجب فيها , ويقول لها حلوووه
اربع شباب يبون يخطبونها , وشافوها وااعجبتهم.
و اثنين منهم يحاولون يتعرفون كنوع من الصداقه.
بس هي مازالت خايفه من شي اسمه الحب , و ماصارت تحب سعيد مثل قبل.
أبي رأيكم بهالتصرف
كم واحد فيكم حاول ان يستعبط على وحده مب حلوه , و كم وحده فيكم تستعبط على واحد مب حلو , و هويملك قلب أحسن من قلب واحد مزيون. | |
|