مشاكل الوالدين..((من الضحيه))

السلام عليكم ورحمة الله وبركااته


أشعر بالحيرة ولا أعرف كيف أبدأ فما سأكتبه أمر خطير
لا أعلم كيف أبدأ ولكني سأكتب وما سيخطه قلمي سيكون


موضوعي هو عن المشاكل بين الوالدين بين أمي وأبوي

وبين أمك وأبوك


كلنا نعرف إن مافي بيت يخلوو من المشاكل ولكن...!!


أين نحن الأبناء من هذه المشاكل وماهو مصيرنا منها..؟!

هناك مشاكل تنتهي بمجرد ضحكه وهناك مشاكل كبيرة لا تنتهي

وقد تكون نهايتها سيئة لنا نحن الأبناء

أنا هنا أبعث رسالة لكل أب وكل أم

عندما تصل المشكلة إلى نقطة اللاعودة أين نحن من هذا كله

لماذا حينما تتأزم الأمور بين الوالدين ينسون أن لديهم أبناء

ويتصرفوون كالصبية وينعكس الحال ونصبح نحن من نبحث عن حل

خلوني من اللغة العربية راح أتكلم زي ما أنا

ليه احنا الأبناء نبكي والأب والأم لا يهتمون بنا

وكأنهم في حرب وكل واحد يبغى ينتصر ع الثاني

ايش وضعنا في المشكلة كأبناء..؟

لما تصير مشكلة وتتأزم الأمور تنسوو إن لكم أبناء نهائياً

ويالها من مصيبة لما تقولو الأولاد كبار ويفهموو

نفهم إيش نفهم إن أبونا وامنا بينفصلوو نفهم إن راح نعيش

بين بيتين

راح توفرولنا مصاريف وفلوس ملعون أبو الفلوس

احنا أبنائكم نحتاج لأحضانكم نحتاج نشوف أبونا يمازح أمنا ونضحك معاهم

نحتاج جمعه في البيت ونحتاج تفاهم وحياة حلووه

ايش راح تنفعنا الفلوس اذا تشتتنا بين بيتين

صارت مشكلة قام الأب قال لا أنا الصح والأم قالت لا انا صح

واحنا ولا على بالكم كأنكم الإثنين في حرب واحنا الغنايم

ليه بعض الاًباء عبالهم الحب فلوس

ليه إذا ولده أوبنته جت عنده تبكي قالها خذي 500 اشتريلك طقم ذهب

ليه ما يحضنها ويقول ما تخافي أنا أبوك معاك قوليلي حبيبتي شو فيك..!!

أنا هنا ما أحكي عن كل الاًباء بس في مجتمعنا الأغلبية كذا

بس يوم القيامة ربنا بيسألكم عننا وعن حجم الحب والحنان

اللي أعطيتونا بتقولو عطيناهم فلوس..!!

شيء عجيب صاير في مجتمعنا وربي عجيب

اسمعووني يا كل الاًباء وياكل الأمهات

أولادكم يحتاجو حب ويحتاجو حنان وضمة صدر

إذا جاك ولدك يشكي صدقني ما يبغى فلوس بس يبغى ضمة صدر


الله أعلم كم من أب أو أم راح يشوفو هالكلام وراح توصلهم هالرسالة

بس أتمنى توصل لكثير لإن كثير يحتاجوها ويحتاجو يسمعو هالكلمتين

إنت يا الأب اللي تقرأ موضوعي وإنتي يالأم تأكدوو إن هالحكي

أولادكم كان محتاجين يوصلوه لكم بس ما قدرو استحو أو خافو

وأنا هنا ما أتهجم عليكم احنا نحبكم ونحتاجكم ومالنا غيركم

خلووكم معانا ولا تتنازلو عنا بسهوله

كل شاب وشابه محتاجين عائلة فعلاً عائلة وجمعه حلوه

وحضن دافي وسفرة غداء تجمعنا بضحكه

خلونا نغير الوضع الحالي الحين صاير كل واحد يتغدى لحاله

صاير كل واحد بغرفته وعالمه الخاص لحاله

خلونا نجتمع ثااني ونحضن بعض ونخاف ع بعض

خلي ولدك يجي من المدرسه يقلك صار لي كذا وكذا وتضحكوو سوا

وخلي بنتك تجي من المدرسة بدل ما تدخل غرفتها تجي عندك

وتقلك أهلين أمي صار معي كذا وكذا وبعدين تجتمعوو سوا

خلونا نعيش بسعاده مجتمعين

نقلت هذا الموضوع لكم وحبيت أشوف اراءكم وحلولكم فيه..

مشكوووور